Pushtimi i Rusisë shkaktoi mbi 97 miliardë dollarë dëme direkte në Ukrainë deri më 1 qershor, por mund të duhen rreth 350 miliardë dollarë për të rindërtuar vendin.
Shifrat dalin në një raport të publikuar të premten (9 shtator) nga Banka Botërore, qeveria ukrainase dhe Komisioni Evropian.
Sipas raportit, Ukraina ka pësuar 252 miliardë dollarë humbje përmes ndërprerjeve në flukset e saj ekonomike dhe të prodhimit, si dhe shpenzime shtesë të lidhura me luftën, ndërsa zhvendosja e një të tretës së të gjithë ukrainasve pritet të rritë shkallën e varfërisë në 21% nga vetëm 2% para luftës.
Në përgjithësi, raporti vlerëson se nevojat për rindërtim të Ukrainës do të arrijnë 349 miliardë dollarë, që nga 1 qershori, ose rreth 1.6 herë më shumë se produkti i brendshëm bruto i vendit prej 200 miliardë dollarësh në 2021.
Nga kjo shumë, 105 miliardë dollarë nevojiten në një afat të shkurtër për të adresuar prioritetet urgjente, si rindërtimi i mijëra shkollave të dëmtuara ose të shkatërruara dhe mbi 500 spitaleve.
Të gjitha shifrat janë paraprake dhe ka të ngjarë të rriten ndërsa lufta vazhdon.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
