Pak ditë pasi kryetari i Partisë Demokratike, Lulzim Basha, deklaroi se qeveria fsheh numrin real të viktimave të koronavirusit, selia blu ka shpërndarë listën me emrat e tyre.
Lista në fjalë i përket periudhës mars-gusht 2020 dhe ka emrat e viktimave, sipas datave kur janë dërguar në morgun e Tiranës.
Të enjen, kreu i opozitës, Lulzim Basha, deklaroi në një emision televiziv se numri i viktimave të Covid-19 rezulton gati 2 herë më i lartë se ai që raportohet nga institucionet.
Basha kishte me vete dhe listën e emrave, të ardhur nga morgu ku janë raportuar si vdekje nga COVID-19.
Kreu i PD-së tha se lista në fjalë duhet të merret nga prokuroria menjëherë për të nisur hetimet.
Basha tha se deri në tetor janë raportuar 509 viktima, ndërkohë që në dokumentet e tij rezulton se kjo shifër është 923 viktima.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
