Nikos Toskas, ministri i Mbrojtjes së Qytetarëve, dha dorëheqjen nga posti që mbante pas zjarreve vdekjeprurëse që shkatërruan vendpushimet në Atikën Lindore më 23 korrik.
Toskas, i cili ishte nën sulm pas akuzave për mënyrën joefektive dhe të pakoordinuar të shërbimeve greke emergjente që u përballën me katastrofën, dha dorëheqjen e tij tek kryeministri Alexis Tsipras.
Në një deklaratë, ai falënderoi Tsipras për besimin e tij në postin e kabinetit qeverisës, por tha se "fatkeqësia natyrore dhe humbja e kaq shumë bashkëqytetarëve tanë në Matit mposhtin dëshirën për të vazhduar."
Detyrat e tij do t'i përcillen ministrit të Brendshëm, Panos Skourletis, shkruan greekreporter.
Qeveria është kritikuar ashpër për mënyrën se si iu përgjigj zjarrit, i cili ka lënë më shumë se 90 të vdekur dhe qindra të plagosur.
Më shumë se 1 000 ndërtesa janë shkatërruar ndërsa grupet mjedisore thanë se zjarri ishte më vdekjeprurësi në historinë e vendit, duke djegur 17 000 hektarë tokë pyjore dhe zona banimi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
