Drejtori teknik i Vllaznisë, Alban Hasani, foli në emisionin “SportZone” në MCNTV, për shortin e Kupës, ku në gjysmëfinale shkodranët u vendosën përballë Partizanit.
Hasani tha se është i kënaqur, pasi edhe ata vetë donin që shorti t’i vendoste përballë Partizanit, ndeshje të cilën e cilëson si një finale të parakohshme.
Dëshira jonë ishte të na binte shorti me Partizanin dhe kështu ndodhi. Jemi të kënaqur, sidomos që ndeshjen e parë e luajmë jashtë dhe ndeshjen e kthimit në shtëpi.
Partizani të jep adrenalinë. Kjo mund të quhet edhe si një finale e parakohshme. Është kënaqësi t’i shikosh të dyja ekipet në fushë. Partizani nëse e meriton të kalojë, do ketë edhe respektin e tifozerisë shkodrane.
E kam thënë edhe më parë, që duhet t’i japim hapësira trajnerëve të rinj, si rasti i Mehmetit që po bën mirë. Jam i bindur që trajnerët e huaj nuk kanë asgjë më shumë se trajnerët vendas.
Hasani deklaroi se Vllaznisë këtë sezon i mungon karakteri që kishin vitin e kaluar, pasi sipas tij, ekipi ka më shumë cilësi në lojtarë.
Vjet fituam Kupën dhe ishin shumë afër titullit kampion. Këtë vit prisnim shumë. Ekipi është shumë i mirë, por skuadra ka lënë shumë për të dëshiruar. Jam i bindur që Vllaznia ka çaluar në pjesën e karakterit, që kishte ekipi i vjetshëm. Këtë vit kemi më shumë cilësi, por më pak karakter.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
