Shtatë emra në garë për një vend në Gjykatën Kushtetuese (VIDEO)

Shtatë kandidatë garojnë për vendin e mbetur vakant në

Gjykatën Kushtetuese, pas largimit të gjyqtarit Fatos Lulo.

Kuvendi ka bërë sot publike listën me emrat e 7 kandidatëve që kanë aplikuar për pozicionin e anëtarit të Gjykatës Kushtetuese. Mes kandidatëve bie në sy emri i ish-kryeprokurorit Theodhori Sollaku.

Lista e kandidatëve

1. Elsa Toska

2. Fiona Papajorgji

3. Ilir Panda

4. Sinan Tafaj

5. Theodhori Sollaku

6. Valbona Bala

7. Vasil Bendo

Në prill të këtij viti, Komisioni i Pavarur i Kualifikimit shkarkoi nga detyra gjyqtarin e Gjykatës Kushtetuese, Fatos Lulo, me argumentin se nuk justifikonte pasurinë. Në vendimin me 23 faqe, KPK-ja agrumentoi se gjyqtari Lulo nuk ka arritur të vërtetojë ligjshmërinë e një pasurie prej 48 milionë lekësh.