Deputetja demokrate, Albana Vokshi, i është përgjigjur nga çadra e protestës deklaratës së socialistit Taulant Balla, i cili dy ditë më parë tha se opozita bllokon për t’i shpëtuar vetingut. Vokshi tha se vetingut i trembet vetë qeveria. Ajo shtoi se vetingu mund të bëhet vetëm kur PD-ja të vijë në pushtet.
“Taulanti nuk iu përgjigj shqetësimeve të zonjës Pack për kriminalizimin e administratës apo kanabizimin e vendit. Ai përmendi vetingun. Kjo është bërë qesharake. Nuk ka opozitë që i trembet vetingut. Është pushteti që nuk e do vetingun. Ne i themi Ramës, jep dorëheqjen dhe në ditën e parë të republikës së re do të bëjmë vetingun. Ju ftoj të gjithëve të bëhemi më shumë, të protestojmë deri në fitoren e kauzës tonë për zgjedhje të lira e të ndershme”, tha ajo.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
