Kryeministri izraelit Benjamin Netanyahu i ka thënë presidentit amerikan Joe Biden se ai synon të godasë vetëm objektivat ushtarake në Iran kur Izraeli të hakmerret për breshërinë e fundit të raketave që Teherani qëlloi ndaj shtetit hebre, ka pohuar Washington Post.
Mesazhi u dha gjatë një telefonate mes dy liderëve të mërkurën javën e kaluar, biseda e parë e tillë në disa javë, tha gazeta të hënën. Detajet rreth bisedës së nivelit të lartë u dhanë nga dy burime anonime: një zyrtar amerikan dhe një "zyrtar i njohur me çështjen", i cili përshkroi pozicionin izraelit.
Irani lëshoi mbi 180 raketa mbi Izraelin më 1 tetor, duke deklaruar se ishte një hakmarrje për vrasjet izraelite të Ismail Haniyeh, udhëheqësit politik të grupit militant palestinez Hamas, i cili u vra nga një bombë në Teheran në fund të korrikut, dhe Hassan Nasrallah. lideri i grupit militant Hezbollah me bazë në Liban, i cili u vra në një sulm ajror izraelit në Bejrut në fund të shtatorit. Qeveria Netanyahu tha se do të zgjidhte se si të përgjigjej.
Biden i ka kërkuar publikisht Netanyahut që të përmbahet nga goditja ndaj infrastrukturës bërthamore dhe asaj të naftës në Iran. Uashingtoni thuhet se i ofroi Izraelit një "paketë kompensimi" në këmbim të pajtimit të tij me kërkesën.
Sipas burimeve, Netanyahu u shfaq me tone më të moderuara gjatë bisedës me Biden, gjë që e shtyu udhëheqësin amerikan të autorizonte vendosjen në Izrael të një sistemi raketor anti-balistik THAAD dhe rreth 100 personel ushtarak.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
