Myftiu Nesimi flet për shkarkimin: Antikushtetues, akuzat janë të pabaza

'Antikushtetues' e ka quajtur Myftiu i Tetovës , Qani Nesimi shkarkimin e tij nga kryetari i Bashkësisë Fetare Islame, Shaqir Fetahu.

Përmes një lidhje “Skype” me studion e lajmeve në MCN Tv, Nesimi tha se akuzat ndaj tij janë të pabazë dhe se RIASETI, që është një lloj Kuvendi e ka marrë vendimin pa praninë e tij si anëtarë dhe në mungesë të 8 pjesëtarëve të tjerë.

Kryetari i Bashkësisë Fetare Islame, Sotir Fetahu ka bërë një shkarkim antikushtetues sipas Kushtetutës së Bashkësisë Fetare Islame dhe organi vendimmarrës në Myftini ka refuzuar vendimin  e kreut më të lartë që është antikushtetues duke kërkuar të zbatojë Kushtetutshmërinë.

Nuk bisedohet për një uzurpim, apo për një keqpërdorim të detyrës nga unë si Myfti legjitim i Tetovës dhe deri sa të zbresë çështja në kushtetutshmëri të Bashkisë Islame këtu në RMV, asnjëherë nuk do të kisha pranuar që të jem dhe ish-Myfti.

Akuza të tilla janë të pabaza sa i takon çështjes së Vakëfit. Të gjitha pronat që janë Vakëf, që janë në procedurë janë gjëra që kanë të bëjnë me segmentin juridik në Maqedoni dhe janë proceduara duke u ndjekur. Subjekti që i mbulon juridikisht është kryetari i bashkësisë fetare, nuk është Myftiu i një zone, në këtë rast nuk jam edhe unë si Myfti i Tetovës.

Prandaj të gjitha akuzat janë të pabaza.

Në Bashkësinë Fetare Islame këtu në Maqedoninë e Veriut në 8 nëntor  ka ndodhur një shkarkim që i është bërë Myftiut të Tetovës dhe Myftiut të Strugës. Ky shkarkim është bërë nga një veprim antikushtetues për shkak se dhe RIASETI që është organi vendimmarrës nuk i ka të ftuar të gjithë anëtarët, dhe unë si Myfti i Tetovës kam qenë, mbetem dhe jam mbetet një anëtar që duhet të ftohem të jem pjesë e atij organi, dhe Myftiu i Strugës gjithashtu. Kanë qenë të paftuar edhe  Myftiu i Kumanovës, edhe dekani i fakultetit të shkencave Islami, kanë qenë të paftuar dhe 5 të shkarkuar më herët që janë në proces gjyqësor.