Një 44-vjeçar i quajtur Çim Proshka, i cili ishte dënuar nga gjykata e shkallës së parë në Kavajë me 1 vit e 4 muaj burg, është arrestuar nga policia.
Kapja e tij u bë e mundur falë informacioneve të marra në rrugë operative, ndërsa ishte i shpallur në kërkim kombëtar.
Ndërkohë, nga policia e komisariatit numër 1 në Tiranë është arrestuar një 59-vjeçar me inicialet D. S, pasi ka kundërshtuar punonjësit e Policisë Bashkiake, të cilët po kërkonin t’i vendosnin gjobë.
Gjithashtu, ky shtetas në tentativë për t'u larguar me mjetin e tij ka dëmtuar lehtë në këmbë punonjësin e Policisë Bashkiake, i cili pas u mjekua doli nga spitali.
Sakaq nga efektivët e komisariatit numër 2 është arrestuar një 22-vjeçar me inicialet G.B, i cili përndiqte dhe ushtronte dhumë psikologjike ndaj të dashurës së tij.
Specialistët e Qarkullimit Rrugor bënë arrestimin në flagrancë të shtetasve :
A.G., 37 vjeç, A.B., 42 vjeç, dhe E.K., 43 vjeç, pasi janë kapur në flagrancë duke drejtuar mjetet përkatëse në gjendje të dehur;
A.K., 58 vjeç, pasi në rrugën “5 Maji”, u kap duke drejtuar mjetin pa lejen përkatese.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
