Një 38-vjeçar shqiptar është arrestuar në Itali me dyshimin për terrorizëm ndërkombëtar. ANSA shkruan se personi në fjalë është Edmond Ahmetaj, i cili jeton në prej disa vitesh së bashku me gruan dhe vëllain e tij në Noci (Bari), ndërsa që nga maji i vitit të kaluar kishte marrë edhe shtetësinë italiane.
Hetimet ndaj tij kanë nisur në vitin 2015, menjëherë pas sulmeve terroriste në Paris. Ahmetaj kishte shfaqur mungesë respekti për viktimat e atentatit dhe kishte shpërndarë një video mbi sulme të mundshme të ISIS-it në Itali.
Sipas policisë së Barit, ai ka bërë propagandë xhihadiste në rrjet dhe kishte vendosur kontakte me grupe të tjera shqiptarësh për t’u bërë pjesë e grupeve terroriste islamike.
Në foton e profilit, ai shfaqej me armë në dorë si dhe kishte shpërndarë intervistën e imamit të Londrës, Anjem Choudary, i cili fliste për një sulm të mundshëm islamik në Romë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
