Gjykata lë në burg 6 nga 19 të arrestuarit e protestës së opozitës, mes tyre dhe Florenc Hoxha, reagojnë deputetët e PD-së

Gjykata e Tiranës ka vendosur masën e sigurisë “arrest në burg” për 6 nga 19 protestuesit të cilët ishin të pranishëm në tubimin e organizuar nga opozita në 16 shkurtit ku situatat u tensionua dhe u sulmua Kryeministria.

Për 7 qytetarët e tjerë u dha masa e sigurisë “arrest shtëpie”, ndërsa për gjashtë protestues u vendos masa “detyrim paraqitje”.

Një nga personat që u la në burg nga Gjykata është edhe ish kreu i INUV Florenc Hoxha, të cilit iu dha masa e sigurisë “arrest në burg”.

Seanca e sotme është ndjekur nga një numër i madh deputetësh të opozitës, ndërsa masat e sigurisë janë dhënë nga gjykatësja Rexhina Merlika.

Masat e sigurisë për 19 te arrestuarit:

Florenc Hoxha, arrest me burg

Resul Daci, arrest burg

Ilir Hamedini, arrest me burg

Sajmir Rexhepi, arrest me burg

Agim Peposhi, arrest me burg 

Ferit Daukthi, arrest me burg

Emanuel Nallbani, arrest shtëpie

Naim Haxhiu, arrest shtëpie

Andon Gjini, arrest shtëpie

David Linati, arrest shtëpie

Festim Taku, arrest shtëpie

Veljon Dine, arrest shtëpie

Ndue Tuci arrest shtëpie

Suzana Dimushi, detyrim paraqitje

Hasan Jakupi, detyrim paraqitje

Mitat Fieraku, detyrim paraqitje

Lefter Jakupi, detyrim paraqitje

Pellumb  Shelna, detyrim paraqitje

Shpresa Lini, detyrim paraqitje

Të arrestuarit akuzohen për veprat penale “Kundërshtimi i punonjësit të policisë së rendit publik”, “Goditje për shkak të detyrës”, “Shkatërrimi i pronës” dhe “Prishja e qetësisë publike”.

Seanca e sotme është ndjekur nga një numër i madh deputetësh të opozitës.

Kryetari i grupit parlamentar të PD-së,  Edmond Spaho e quajti vendimin e gjykatës përpjekje për të dekurajuar protestësn por që nuk do të funksionojë. Ndërkohë që deputeti Alibeaj tha se Rama "duhej tërhequr zvarrë"

"Ky është një proces i mirëfilltë politik që më kujton gjyqet e diktaturës. Asnjë fakt dhe asnjë provë për atë që i akuzojnë, prishje të pronës publike, dhe prishje të qetësisë publike. Ndërkohë që është prishur vetëm kërpudha e kryeministrit. Në asnjë rast nukpati konfrontim të qytetarëve me policinë. Këto janë përpjekje për të dekurajuar protestuesit por nuk do funksionojë. I bëj thirrje të jenë një herë më mirë të enjten në protestë kundër Edi Ramës", deklaroi Spaho.

Ndërsa më i ashpër ka qenë reagimi i deputetit Enkelejd Alibeaj i cili ka thënë për kryeministrin Edi Rama se duhet tërhequr zvarrë.

"Ai njeri duhet tërhequr zvarrë si u tërhoq i ati i vet", tha Alibeaj.