Tre shqiptarë janë arrestuar në Greqi për trafik të lëndëve narkotike. Sipas mediave greke, tre shqiptarë të moshës 38, 37 dhe 31 vjeç u vunë në pranga në Selanik. Të arrestuarit, dy meshkuj dhe një femër, u arrestuan në zonën e Menemenis, ku 38 vjeçarit iu gjet në makinë një sasi prej dy kilogramë e 284 gramë, e cila blerë më herët atë ditë nga 37-vjeçari.
Sipas policisë, para arrestimit 38-vjeçari, në përpjekje për të shmangur kontrollin e policisë, rrëzoi barrierat e policisë dhe plagosi një 56-vjeçar.
Pas kontrolleve në shtëpinë e 38-vjeçarit u gjet dhe u sekuestrua edhe 236.9 gramë kokainë, një sasi e vogël hashashi, shumën prej 27 930 euro, 90 paund, 50 dollarë amerikanë dhe 12 mijë lekë shqiptarë, që dyshohet se kanë ardhur nga trafiku i drogës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
