Ministri izraelit i Mbrojtjes Yoav Gallant deklaroi gjatë disa takimeve me dyer të mbyllura se nëse nuk arrihet një marrëveshje për pengjet dhe armëpushimin në dy javët e ardhshme, fati i personave të rrëmbyer do të vuloset.
Lajmin e raportoi Ynet, duke shtuar se janë maturuar kushtet për një marrëveshje me Hamasin, por kryeministri Benjamin Netanyahu po pengon progresin për të mos humbur mbështetjen e ministrave të ekstremit të djathtë të koalicionit.
Sipas Ynet, ekipi negociator besonte se një marrëveshje mund të ishte nënshkruar edhe një javë më parë, por kushtet e reja të shpallura nga Netanyahu po kërcënojnë negociatat.
Times of Israel raporton se krerët e ushtrisë, Shin Bet dhe Mossad thonë se nuk ka gjasa që të arrihet një marrëveshje që plotëson kërkesat e Netanyahut që Izraeli të qëndrojë në kufirin Gaza-Egjipt dhe të inspektojë fizikisht këdo që kthehet në Izraelin verior.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
