Gjykata Kushtetuese ka pranuar kërkesën e gazetarit Elton Qyno, duke shfuqizuar vendimet e mëparshme gjyqësore që lejonin sekuestrimin e të dhënave të tij kompjuterike nga SPAK.
Në vendimin e saj, Gjykata Kushtetuese thekson se urdhërimi për zbulimin e burimeve të një gazetari bie ndesh me parimet kushtetuese të lirisë së shtypit, përveç rasteve kur ekziston një bazë e qartë ligjore dhe një interes publik i rëndësisë së veçantë.
Në një analizë për emisionin “Të Paekspozuarit” në MCN TV, avokati Dorjan Matlija deklaroi se vendimi i Gjykatës Kushtetuese mbrojti burimet e gazetarit, dhe jo thjesht interesin e tij personal.
Në fund të ditës, Gjykata Kushtetuese mbrojti lirinë e shtypit dhe burimet e informacionit, duke vendosur që ato janë më të rëndësishme sesa interesi i hetimit të SPAK, i cili kishte të gjitha mundësitë që këtë provë ta siguronte në mënyra të tjera.
SPAK nuk kreu siç duhet detyrën e vet dhe shkel standarde të njohura ndërkombëtare për mbrojtjen e gazetarëve dhe të burimeve të tyre.
Ajo çfarë e beri më të vështirë gjykimin ishte qasja e gjykatave me të ulëta që nuk i dhanë zgjidhje atëherë kur duhej.
Problemi nuk ishte vetëm në vendimin për sekuestrim, por në mungesën e reagimit në momentin e duhur nga ana e gjykatave më të ulëta, të cilat e lejuan këtë proces të vijonte, duke mos dhënë zgjidhjen kur duhej.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
