Ish-kreu i LSI-së, Ilir Meta sulmoi ashpër ditën e sotme nga Lushnja kryeministrin Rama. Sipas tij, Rama është një timonier i lodhur, që e ka mendjen te karrigia e tij dhe populli ndërkohë largohet.
“Timonieri i lodhur e ka mendjen vetëm te karrigia e tij, ndërkohë populli largohet. Kjo është arroganca e tij. Erdhi fundi i kapitenit të kanabisit, që shantazhin njerëzit për votë për të mbajtur në punë shushunjat e koncesioneve”, tha Meta.
Meta ka lëshuar një lumë akuzash ndaj qeverisë Rama, duke i quajtur shushunja të gjitha ata që kanë nisur presione mbi administratën dhe drejtorët e LSI-së.
“I bëj thirrje 600 mijë të rinjve dhe të reja që të mos shkojnë nga mendja që të largohen nga vendi më i bukur në botë, por jo vetëm të rikonfirmojnë votën dhe vendosmërinë për LSI-në forcën e parë forcën e paparë si dhe të kërkojnë votën e gjyshërve.
1 milionë shuplaka duhen kundër oligarkisë. Nuk mund të bëjnë shtet ata që e çuan Shqipërinë në vendin e dytë për drogën, nuk mund të bëjnë shtet ata që forcën e tregojnë me numra dhe i janë nënshtruar interesave të disa oligarkëve. Ministrit të bujqësisë i linin fondet skandaloze dhe fondet i çonin për palmat dhe kullat", tha Meta.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
