Çështja e ndryshimeve politike në PD dhe fakti se kush do të jenë ndihmësit e Sali Berishës, ishin në fokus të emisionit të sotëm në "Të Paekspozuarit" në MCN TV.
Deputeti demokrat, Ervin Salianji, shpreh se dukshëm shumicën në PD e ka Berisha, porse PD duhet të bashkohet dhe se është absurde që deputetët e PD nuk ulen me njëri tjetrin, por disa prej tyre janë të gatshëm të ulen me Ramën dhe Ballën.
Sipas tij, ka përpjekje për tu krijuar dy parti, një e madhe nga Berisha, dhe një më e vogël e Bashës.
Përpjekje mund të ketë patur por në fund ka rëndësi rezultati. Për degët dhe Këshillin Kombëtar, duhet të kishte zgjerim dhe përfshirje, për të thënë deputetët do të jenë pjesë e procesit, për të patur zgjedhje të pranueshme nga të gjithë palët.
Kjo u kërkua për ti dhënë mundësi bashkimit. Nuk është kurrë vonë.
Nuk e kuptoj si mund të kërkosh të ulesh me Ramën dhe Ballën dhe mos ulemi dot ne deputetë të PD, është një përpjekje për të krijuar dy parti. Një parti pak më e madhe, te Berisha dhë një shumë më e vogël, që nuk do ta lëshojë Lulzim Basha.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
