Kryeministri serb Aleksandar Vuçiç i ka bërë thirrje BE-së që të thonë të vërtetën rreth negociatave në Bruksel, duke shtuar se Serbisë nuk i leverdis një rritje e tensioneve me Kosovën.
Duke iu përgjigjur interesit të mediave serbe lidhur me tryezën e bisedimeve për njohjen e pavarësisë së Kosovës, Vuçiç tha se “rregullat e Brukselit ndryshojnë në 15 minuta”, dhe se pala shqiptare ka mbështetjen e BE-së.
“Është sikur kur luan një lojë të basketbolli në të cilën në çerekun e parë vlen ‘tresekondshi’, në të dytin nuk aplikohen hapat dhe në të tretin nuk vlejnë as faullët”, ka thënë Vuçiç.
Kryeministri serb tha se ndonëse i kishte marrë temat e diskutimit para takimit me kryeministrin dhe presidentin e Kosovës, ato ishin ndryshuar më pas.
Ndër të tjera, Vuçiç tha se Prishtina akuzon serbët dhe i fyen ata, ndërsa shtoi se edhe gjatë negociatave “shkelin atë që është rënë dakord 15 minuta më parë”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
