Rusia është gati për bisedime me ministrat e jashtëm turk dhe ukrainas për çështjen e grurit të Ukrainës. Kështu deklaroi ministri i Jashtëm rus, Serghei Lavrov, në kuadër të samitit të ministrave të Jashtëm të G20 që po zhvillohet në Bali, Indonezi.
Ne i kemi të gjitha zgjidhjet. Ne jemi gati për negociata me kolegët tanë ukrainas dhe turq.
Nëse flasim për grurin ukrainas, Ukraina duhet të zhbllokojë portet e saj, t’i pastrojë ato ose të sigurojë kalim të sigurt nëpër fushat e minuara, dhe jashtë ujërave territoriale të Ukrainës.
Rusia dhe Turqia janë të gatshme të garantojnë sigurinë e anijeve dhe t’i marrin ato në ngushtica, pastaj të shkojnë në Mesdhe.
Lavrov kërkoi që Perëndimi të ndalojë bllokimin e furnizimeve ruse të grurit.
Sipas tij, gjithçka që nevojitet është që Perëndimi të ndalojë së bllokuari artificialisht dërgesat në vendet që kanë blerë grurin.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
