Ministria e Brendshme e Arabisë Saudite ekzekutoi të martën në rajonin e Mekës një dënim me vdekje ndaj një shtetasi të dënuar për adoptim të ideologjisë “takfirite”, anëtarësim në organizata terroriste dhe financim të terrorizmit. Siç raportohet nga gazeta pan-arabe “Al Sharq al Awsat” në pronësi saudite, Saleh bin Said bin Ali al Karbi, i cili sipas autoriteteve i ishte përmbajtur “takfirizmit” (një formë e islamit radikal), u akuzua për fshehje të informacionit mbi sulmin e vitit 2014 kundër pikës kufitare Wadia dhe kundër selisë së shërbimeve sekrete të guvernatorit të Sharurës, të pretenduar nga organizata Al Kaeda në Gadishullin Arabik. Një tjetër akuzë për të cilën ai u shpall fajtor është pjesëmarrja në konfliktin në Jemen. Ministria e Brendshme saudite nënvizoi angazhimin e qeverisë së Mbretërisë “për të vendosur sigurinë, zbatimin e drejtësisë dhe zbatimin e ligjeve të Zotit kundër kujtdo që kërcënon sigurinë e qytetarëve ose derdh gjakun e tyre”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
