“Berisha nuk ka asnjë lloj vendimmarrje në PD”. Kështu deklaroi mbrëmjen e sotme në emisionin “Arnautistan” në MCN TV, gazetari Bledian Koka. Siç u shpreh ai, nëse Berisha do të kishte vendimmarrje shumë ndryshime të cilat tashmë kanë ndodhur në PD, nuk do të kishin ndodhur me ish-liderin në krye.
“Ai lideri absolut i ka bërë deklaratat e veta dhe kush ka pasur veshë e ka dëgjuar. Berisha është një këshillues i mirë por nuk ka asnjë lloj vendimmarrje në PD. Po të ishte për Berishën, Jozefina Topalli apo Astrit Patozi nuk do të kishin ikur nga lista e PD, por të ishte për Berishën as mandatet nuk do ishin djegur, këtë e them me bindje absolute. Ai e votoi, por i tha kujdes sepse kjo mund të rrezikojë shkrirjen e PD nëse nuk i shkohet deri në fund dhe realisht jemi në zgrip nëse nuk bëhen përmirësime”, tha Koka.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
