Presidenti turk Rexhep Tajip Erdogan tha në konferencën e përbashkët me kryeministrin Rama, se shpreson që Shqipëria do të bëjë pjesën e saj në presionin ndaj Izraelit, për atë që ai e konsideron si gjenocid në Gaza. Po ashtu Erdogan theksoi se gjatë takimit me Ramën u diskutua për luftën ndaj FETO-s, duke u shprehur se shpreson që kjo luftë të vazhdojë përmes vendimeve të marra sot.
Diskutuam edhe çështjen e luftës së përbashkët kundër organizatave terroriste, veçanërisht kundër FETO-s. Shpresojmë që ta vazhdojmë luftën kundër organizatave terroriste përmes vendimeve që kemi marrë sot. Mizoritë e Izraelit në Gaza dhe Liban ishin ndër pikat prioritare të agjendës sonë. Agresionet e Netanjahut janë bërë një kërcënim për rendin global. Gjenocidi prej një viti në Gaza është turpi i përbashkët i njerëzit. Ne si komunitet ndërkombëtar duhet të bëjmë çmos për të bërë presionin e nevojshëm mbi Izraelin. Shpresoj që Shqipëria do të bëjë pjesën e saj në këtë drejtim. Do të hapim Xhaminë e Namazgjasë, që është dhuratë e popullit turk për motrat dhe vëllezërit mysliman në Shqipëri .
Erdogan po ashtu tha që Turqia do të ofrojë mbështetje për të përmbushur nevojat e Forcave të Armatosura shqiptare.
Marrëdhëniet tona miqësore me Shqipërinë shtrihen përtej shekullit. Me konsultimet e sotme e thelluam partneritetin strategjik që e ndërtuam në vitin 2021. Shkëmbyem pikëpamje të hollësishme mbi fushat e bashkëpunimit që përcaktuam në takimin e parë në Ankara. Konfirmuam vullnetin tonë për të thelluar bashkëpuninë në bujqësi, arsimin e lartë dhe Marrëdhëniet me Publikun dhe komunikimit. Ne vazhdojmë përpjekjet e përbashkëta për të rritur vëllimin tregtar në 2 miliardë dollarë. Ramë dakord që të diversifikojmë investimet, për të përfshirë sektorë novatorë. Do vazhdojmë bashkëpunimin në shëndetësi me operimin e përbashkët të Spitalit në Fier. Do ofrojmë mbështetje për të përmbushur nevojat e FA, në fushën e pajisjeve ushtarake dhe trajnimeve ushtarake.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
