Një ekip kërkimi dhe shpëtimi gjeti 18 persona të vrarë nga rrëshqitjet e dheut në ishullin Sulawesi të Indonezisë dhe janë ende në kërkim të dy të zhdukurve, njoftuan zyrtarët vendas të hënën.
Ekipet e shpëtimit gjetën rreth 14 trupa në fshatin Makale të dielën pasdite dhe katër në Makale të Jugut, tha Mexianus Bekabel, shefi i Kërkimit dhe Shpëtimit Makassar.
“Jemi ende në kërkim të dy viktimave të tjera, por mjegulla dhe shiu e vështirësuan kërkimin, teksa dhe oficerët në terren u mbingarkuan,” tha të hënën Sulaiman Malia, shefi i Agjencisë së Menaxhimit të Fatkeqësive të distriktit Tana Toraja.
E rrëshqitur nga shiu i rrëmbyeshëm, balta u derdh nga kodrat përreth në katër shtëpi pak para mesnatës së të shtunës në rrethin Tana Toraja të provincës Sulawesi Jugor, tha shefi i policisë lokale Gunardi Mundu.
Ai shtoi se një mbledhje familjare po mbahej në një nga shtëpitë kur goditi rrëshqitja e dheut.
Dhjetëra ushtarë, policë dhe vullnetarë iu bashkuan kërkimit në fshatrat e largëta të kodrave të Makale dhe Makale të Jugut.
Ekipet e shpëtimit arritën të nxirrnin gjatë së dielës dy të plagosur, përfshirë një vajzë 8-vjeçare, dhe i dërguan me urgjencë në një spital aty pranë.
Linjat e shkatërruara të komunikimit, moti i keq dhe toka e paqëndrueshme po pengonin përpjekjet e shpëtimit, tha Muhari.
Tana Toraja ka shumë atraksione turistike të njohura, duke përfshirë një shtëpi tradicionale dhe statuja prej druri të trupave të varrosur në shpella, të njohura si tau-tau.
Reshjet sezonale shkaktojnë rrëshqitje të shpeshta dheu dhe përmbytje në Indonezi, një zinxhir prej 17.000 ishujsh ku miliona njerëz jetojnë në zona malore ose fusha pjellore të përmbytjeve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
