Presidenti amerikan Donald Trump ka thënë se ndjekja penale e lideres së opozitës franceze Marine Le Pen i kujton atij betejat e tij ligjore nën administrimin e ish-presidentit Joe Biden.
Të hënën, Le Pen, ish-liderja e partisë konservatore Fronti Nacional, u dënua me katër vjet burg, dy prej të cilave do të pezullohen dhe iu ndalua të mbajë poste publike për pesë vjet. Dënimi për përvetësim efektivisht e ndalon atë nga gara presidenciale 2027.
I pyetur nga gazetarët në Zyrën Ovale për vendimin, Trump u përgjigj: "Kjo është diçka vërtet serioze".
"Asaj iu ndalua kandidimi për pesë vjet, dhe ajo është kandidatja kryesore", shtoi ai.
Trump shpesh ka pretenduar se rastet gjyqësore dhe hetimet për aktivitetet e tij ishin pjesë e një “gjuetie shtrigash” të motivuar politikisht të udhëhequr nga administrata Biden dhe demokratët.
Sipas prokurorëve, Le Pen ka përvetësuar fondet e BE-së të destinuara për punën e stafit të saj në Parlamentin Evropian për të financuar aktivitetet e partisë së saj në Francë.
Ajo mohoi çdo keqbërje dhe e quajti vendimin "një ditë fatale për demokracinë".
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
