Një person është vrarë dhe një tjetër është plagosur në një ngjarje që i ngjan një atentati terrorist në Francë. Një person ka qëlluar me thikë disa kalimtarë në Trappes, në hyrje të Parisit, duke vrarë një prej tyre. Më pas, autori është futur në një shtëpi duke bërtitu “Allahu Akbar”.
Ndërhyrja e repartit të antiterrorit ka përfunduar me ekzekutimin e autorit të sulmit. Burime policore, të cituara nga televizioni publik France 3, thonë se autori i sulmit ishte skeduar si islamik radikal. Ai ishte 36 vjeç dhe rezulton i dënuar për thirrjet për terrorizëm.
Megjithatë hetuesit tregohen të kujdesshëm në lidhje me shkaqet e ngjarjes, pasi nuk përjashtohet mundësia që ajo të ketë qenë një sherr për arsye familjare.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
