Dy të miturit që u fotografuan të zhveshur një ditë më parë në rrugë, pranë Gjykatës së Durrësit janë vendosur në Tiranë, në shtëpinë e gjyshes.
Shërbimi Social Durrës konfirmon për MCN Tv se shtetësja me iniciale D. S është nënë e tre fëmijëve dhe rasti i ka kaluar Njësisë së Mbrojtjes së Fëmijëve në Tiranë, pasi familja, me kërkesë të nënës u vendos në shtëpinë e gjyshes në Tiranë.
Nëna e dy të miturve figuronte e regjistruar në Tiranë, ndërsa vinte në Durrës për të lypur.
Ajo ka treguar se ishin strehuar në një shtëpi të braktisur pranë Gjykatës.
Sipas nënës, ndërsa kujdesej për vajzën e sëmurë, dy të vegjlit janë larguar dhe kanë dalë në rrugë.
Nëna jetonte e vetme me fëmijët, pasi babai kishte kohë që i kishte braktisur.
12:02h Fotografohen nga kalimtarët/ Dy fëmijë të mitur përdoren si lypës në Durrës
Dy fëmijë të zhveshur, jo më shumë se tre vjeçarë janë fotografuar pranë Gjykatës së Rrethit Durrës.
Sipas dëshmitarëve, kontaktuar nga korrespondentja e MCN tv, ata përdoren nga familjarët e tyre për të lypur.
Një kalimtar i rastit, i ka larguar nga rruga dhe i ka spostuar në trotuar të vegjlit.
Ndërsa në foto duket qartë edhe një furgon policie.
Në këtë zonë, gjendet edhe gjykata, ndaj prania e efektivëve të policisë është e përhershme, por asnjëri prej tyre nuk ndërhyri.
Ky është rasti më i fundit i bërë mediatik, por rastet e shfrytëzimit të fëmijëve për fat të keq mungojnë.
Deri më tani nuk ka asnjë reagim zyrtar nga Policia apo Shërbimi Social Durrës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
