Gjykata e Posaçme kundër Korrupsionit dhe Krimit të Organizuar e ka dërguar përfundimisht për gjykim dosjen e kryetarit të zgjedhur të Bashkisë Himarë, Fredi Beleri, i cili akuzohet për shit-blerje të votave në procesin zgjedhor të 14 majit 2023 në Himarë.
GJKKO ka kaluar për gjykim çështjen për Fredi Belerin, për veprën penale 'Korrupsion aktiv në zgjedhje'.
Megjithatë, sipas avokatit të këtij të fundit, klienti i tij po mbahet në burg politikisht.
Fredi Beleri u ndalua nga autoritetet shqiptare me dyshimin për mashtrim votash, të cilin ai e ka mohuar.
Ndërkaq ai ka paraqitur në Gjykatën e Lartë dy rekurse të reja.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
