Gazetari Armand Shkullaku tha në studion e emisionit “Të Paekspozuarit”, se skema e inceneratorëve është para së gjithash dështim i organit të akuzës. Shkullaku tha se sinjalet se një aferë e tillë ishte në proces janë dhënë me kohë dhe duhej të ishin kapur nga organi më i madh i hetimit në vend.
Nëse dikur bëhej korrupsion duke ndërtuar një vepër publike, vepra në fund mbetej. Kurse tani mbetet vetëm ajër dhe lekët shkojnë 100% në xhepat e tyre. Për mua ky është dështim i plotë i drejtësisë së re. Kur doli për herë të parë afera e inceneratorëve, edhe një prokuror i thjeshtë me ndërgjegje qytetare të thoshte: çfarë po ndodh. Kemi mbledhje urgjente qeverie sepse kreu i Bashkisë së Elbasanit papritur shpall emergjencën mjedisore. Këtu bie një kambanë e vogël alarmi. Qeveria mblidhet prapë me urgjencë, bën 19 VKM brenda ditës. Bën një kontratë me një kompani, kontrata shkon në çdo ministri brenda ditës, firmoset, miratohet dhe i jepet kompanisë që nuk kishte asnjë knoë-hoë në fushën e incenerimit. I jepet një 25-vjeçareje me 1 milionë lekë të vjetra në bankë. Këtë kontratë kjo kompani e depoziton në bankë dhe merr kredinë që e shlyen me lekët tona. Mjafton kaq që një prokurori ti ndizet një llambë alarmi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
