Zëvendëspresidentja në detyrë e SHBA-ve Kamala Harris ka telefonuar Donald Trump-in për ta uruar mbi fitoren e zgjedhjeve presidenciale, raporton CBS News.
Gjatë telefonatës, Harris theksoi rëndësinë e transferimit paqësor të pushtetit dhe të qenit president për të gjithë amerikanët, tha një ndihmës i lartë i Harris për CBS.
Ajo pritet t'i drejtohet publikut gjatë fjalës që do të mbajë në Universitetin Howard. Ky do të jetë fjalimi i parë i Harris-it pas disfatës në zgjedhje përballë republikanit Trump.
Ndryshe nga ç’kishin parashikuar sondazhet republikani 78-vjeçar siguroi votat e nevojshme elektorale për të marrë një mandat të ri 4 vjeçar, si udhëheqës i SHBA-ve.
Çështja e ekonomisë duket se ka rezultuar përcaktuese në votën pro Trump në zgjedhje.
Vlen për t'u theksuar se ai është presidenti i dytë në histori që do të drejtojë për dy mandate jo të njëpasnjëshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
