Një ditë pasi kryeministrit Edi Rama paralajmëroi se nga gjobat për zbatimin e masave anti-COVID nuk do të kursehen as politikanët, Monika Kryemadhi u ndëshkua nga policia.
Këtë të mërkurë, kryetarja e LSI organizoi një takim me të rinjtë në Elbasan, por në sy ra se asnjë prej tyre nuk mbante maska. Për këtë arsye ndërhyri policia, e cila i vendosi gjobë Monika Kryemadhit. Kjo e fundit u irritua.
“Merruni me bandat njëherë dhe ata që përplasin makinat, pastaj vendosni gjoba për maskat. 7 veta jemi ne këtu, pse në kafe u lejoka, ndërsa ketu jo. Vendoseni gjobën dhe ne do ta apelojmë në Gjykatat Administrative”, ju drejtua Kryemadhi policëve.
Kjo nuk është hera e parë që kryetarja e LSI gjobitet pse nuk mban maskë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
