Në fillim të pandemisë ekspertët parashikuan që stresi nga Covid-19 do të bënte kërdinë në marrëdhëniet romantike.
Por një studim i fundit sugjeroi atë që pak njerëz mund të kishin parashikuar: për shumë prej çifteve pandemia i ka përmirësuar marrëdhënien.
Sipas një sondazhi kombëtar të publikuar në shkurt nga Universiteti Monmouth, rreth 70% e të rriturve amerikanë të cilët ndodhen në një marrëdhënie romantike janë "jashtëzakonisht të lumtur".
Kjo shifër shënon një rritje me më shumë se 11 pikë krahasuar me studimet e mëparshme, të cilat universiteti ka kryer për më shumë se gjashtë vjet.
"Ne shpesh marrim një këndvështrim cinik mbi marrëdhëniet, gjë që na bënë të kërkojmë probleme të mundshme dhe t'i shohim marrëdhëniet si të brishta", thotë Dr Gary Lewandowski, një psikolog i marrëdhënieve romantike që mbikëqyri sondazhin vjetor të Monmouth.
"Fakti është," vazhdon Lewandowski, " që marrëdhëniet janë shkëmbi ynë, duke na dhënë forcë dhe në fund një qëndrueshmëri kur jeta nuk duket aq e mirë”
Me fjalë të tjera, çiftet nuk qëndrojnë së bashku për një kohë të gjatë sepse jeta është e lehtë.
Ata mbijetojnë dhe lulëzojnë sepse marrëdhënia e tyre i bënë ata më të fortë, si një skuadër. Në një kohë të vështirë ajo është si një kolonë mbështetëse.
Por pandemi ose jo, asnjë rritje në afërsi nuk ndodh automatikisht. Kushte të caktuara i bëjnë disa marrëdhënie më shumë gjasa të qëndrojnë më gjatë se të tjerët.
Dhe rezulton se rrethanat e pandemisë mund të kenë krijuar një mjedis ideal për disa prej atyre kushteve të lulëzojnë.
Pyetja është nëse ata do t'i mbijetojnë tranzicionit në një botë post-pandemike - dhe si.
Sipas Giulia Zoppolat, një kandidate për doktoraturë në psikologjinë eksperimentale të aplikuar, e cila studion marrëdhëniet romantike, një element kryesor i partneritetit elastik është reagimi i partnerit : "[Kur njerëzit] mendojnë se partneri i tyre kujdeset dhe i dëgjon ata".
Ndërsa Zoppolat pranon se rëndësia e vëmendjes së partnerit mund të duket "shumë themelore", ndikimi i tij në kënaqësinë e marrëdhënies është i fuqishëm.
"Ne e shohim vazhdimisht se kjo mund të sjellë një ndryshim", thotë ajo.
Para-pandemisë, tha ajo, marrëdhënia e çiftit ishte rrotulluar rreth aktiviteteve: dalja jashtë, festat, udhëtimet.
Kufizimet i detyruan çiftet të ngadalësoheshin dhe të njiheshin me njëri-tjetrin në mënyra të reja.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
