Policia e Tiranës ka vënë në pranga katër persona të dyshuar se janë pjesë e veprimtarisë kriminale të lojërave të fatit.
Në prangat e policisë kanë rënë E. A., 43 vjeç, E. T., 34 vjeç, K. B., 47 vjeç, dhe Xh. Ç., 19 vjeç, të gjithë banues në Tiranë.
Në njoftimin e saj zyrtar policia thotë se operacioni operacioni i koduar "Bad spin 3", u zhvillua i bazuar në inteligjencën policore përmes të cilit është bërë i mundur identifikimi i subjekteve dhe shtetasve që kryejnë aktivitetin e paligjshëm të organizimit dhe përshtatjes së ambienteve për organizimin e lotarive të palejuara (baste sportive online), në zona të ndryshme të Tiranës.
Ndërkohë uniformat blu thonë se kanë sekuestruar edhe disa celularë në cilësinë e provës materiale.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
