Një ndihmës i presidentit rus tha se bisedimet midis Rusisë dhe Ukrainës pranë kufirit Ukrainë-Bjellorusi pritet të fillojnë në mesditën, në orën 12.00 me orën vendase, njoftoi agjencia shtetërore ruse e lajmeve TASS.
Ndihmësi i presidentit rus, Vladimir Medinsky, i cili drejton delegacionin e Kremlinit, tha se ekipi i tij ishte gati për negociata menjëherë pas mbërritjes së palës ukrainase.
Ndërkohë agjencia shtetërore ruse e lajmeve RIA-Novosti citoi Medinsky të thoshte se logjistika për delegacionin ukrainas ishte “shumë e vështirë” dhe koha e mbërritjes u shty disa herë.
Dy delegacionet do të takohen pranë lumit Pripyat në kufi. Zyra e Presidentit ukrainas Volodymyr Zelensky tha se Presidenti bjellorus Alexander Lukashenko e telefonoi të dielën dhe i ofroi garanci sigurie, se të gjithë avionët, helikopterët dhe raketat e stacionuara në territorin bjellorus do të qëndrojnë në terren gjatë udhëtimit të delegacionit ukrainas.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
