Një alarm për bombë në një shkollë private në zonën e Misto-Mames ka vënë në lëvizje autoritetet.
Rreth orës 11:30, në adresën e shkollës ka mbërritur një e-mail në gjuhën angleze ku thuhej se në ambientet e shkollës ishte vendosur një bombë, e cila do të shpërthente brenda 43 minutave.
Pas marrjes së njoftimit, policia dhe Njësia Antieksploziv kanë mbërritur në vendngjarje. Bëhet me dije se nxënësit dhe stafi janë evakuuar.
Po vijojnë kontrollet për të verifikuar nëse bëhet fjalë për një alarm të rremë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
