Presidenti serb Aleksandar Vuçiç gjatë një interviste për median serbe “O2” , ka folur edhe për vizitën e tij të fundit në Tiranë. Vuçiç, shprehu befasinë e tij për siç e quajti ai, “vendosmërinë” e rrallë dhe “kurajon” e thellë të Kryeministrit shqiptar Edi Rama për nisëmen e MiniShengenit, i cili, për herë të parë, pas gjithë mosmarrëveshjeve për Kosovën, tregoi kurajon dhe mbrojti heqjen e pengesave ekonomike.
I pyetur nëse Mini-shëngeni mund të përshpejtojë hyrjen në BE, Vuçiç theksoi se nga Bashkimi Europian ka shumë mbështetje, por nuk përjashtoi presionin e jashtëm. Ai u shpreh se qarqet europiane janë spektike ndaj projektit më të ri ballkanik.
“Disave nuk u pëlqen që vendet e Ballkanit të zhvillojnë biznesin e tyre, ata ndjehen të shqetësuar kur nuk vendosin për ne, por ata nuk mund ta kundërshtojnë drejtpërdrejt, sepse nisma mbështetet në katër liri, domethënë vlerat që nënvizojnë Bashkimi Evropian, liria e lëvizjes për njerezit, kapitalin, shërbimet dhe mallrat.”
Vucic theksoi se Serbia dhe Shqipëria kanë një shkëmbim tregtar prej 184 milionë eurosh, dhe kjo shifër mund të rritet në 500 milion euro.
“Ne po krijojmë një hapësirë ekonomike në të cilën kompanitë tona mund të punojnë dhe në të cilën kamionët nuk do të presin në kufij. Kush dëshiron le të marrë pjesë, ne nuk po e detyrojmë njeri, por të gjithë do t’i bashkohen asaj për 10 vitet e ardhshme. Kjo ide do të mbetet në histori, si bërthama e diçkaje që ka krijuar ekonomi të forta. Të gjithë do të bashkohemi me Mini Shengenin me kalimin e kohës.”
Vuçiç beson se takimi tjetër i mini Schengen do të jetë në Beograd në fund të janarit, dhe se deri në atë kohë do të ketë një fluks të fuqisë punëtore dhe të udhëtohet vetëm me një kartë identiteti në Shqipëri dhe anasjelltas.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
