Tensionet mes kryeministrit të Shqipërisë, Edi Rama, dhe atij të Kosovës, Albin Kurti, të reflektuara së fundmi edhe në mbledhjen e Asamblesë së Përgjithshme të OKB-së në Shkup, kanë pasur jehonë të drejtpërdrejtë në skenën politike shqiptare në rajon, përfshirë edhe Maqedoninë e Veriut.
Në një analizë në emisionin “Të Paekspozuarit” në MCN TV, analisti Mentor Nazarko theksoi se thelbi i këtij rivaliteti ka të bëjë me primatin se kush kontrollon faktorin shqiptar në Ballkan.
Shqipëria historikisht ka qenë shteti amë dhe për rrjedhojë, Rama tenton të ruajë një lloj superioriteti në raport me shqiptarët jashtë kufijve.
Nga ana tjetër, Kurti ka ndërtuar një platformë politike me retorikë nacionaliste, që ka gjetur jehonë edhe përtej Kosovës.
Kurti vjen me një diskurs që i jep zë pakënaqësive të shqiptarëve në rajon, duke luajtur me kartën e tensionit dhe mobilizimit.
Rama, përkundrazi, paraqitet si faktori i stabilitetit, i qetësimit të palëve dhe ndërmjetësimit.
Kemi dy qasje të kundërta në raport me të njëjtin objektiv: kontrollin e faktorit shqiptar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
