“Më e bukura e të gjitha kohërave”, fansat e “Stranger Things” zgjedhin skenën e shoqëruar me një solo nga Metallica (VIDEO)

Këtë fundjavë, fansat e “Stranger Things” mirëpritën publikimin e volumit të dytë, duke vlerësuar një skenë në veçanti.

Fansat e serialit thriller mbinatyror të Netflix vlerësuan solon e kitarës Metallica të Eddie Munson në finalen e shumëpritur të sezonit të katërt si 'skenën më të madhe të të gjitha kohërave'.

Finalja dramatike e vendos grupin e miqve në Hawkins në një situatë të veçantë. Teksa drejtohen për në Upside Down, ata planifikojnë vrasjen e Vecna-s.

Steve Harrington (Joe Keery), Nancy Wheeler (Natalia Dyer) dhe Robin Buckley (Maya Haëke) planifikojnë t'i zënë pritë Vecna ​​në shtëpinë e Creel, ndërsa Eddie Munson (Joseph Quinn) ndihmon për të shpërqendruar rojtarët e pronës.

Për t’i joshur përbindëshat larg shtëpisë, Eddie qëndron mbi çati dhe luan një solo 'intensive' me kitarë përmes amplifikatorëve, në mënyrë që të dëgjohet mirë nga rojtarët.

Ndërsa shoqërohet nga miku i tij Dustin Henderson (Gaten Matarazzo), Eddie tregon dashurinë e tij për rock n' roll-in ndërsa luan një instrumentale të këngës Master Of Puppets të Metallica.

Ndërsa muzika në sfodn vijon, në ekran shfaqen skena të tensionuara të Max që përpiqet të ikë nga Vecna, Erica Sinclair (Priah Ferguson) duke u ndjekur nga një grup futbollistësh në Haëkins dhe lakuriqët që fluturojnë drejt Eddie.

Skena përfundon me Max që përpiqet të fshihet nga Vecna në kujtimet e saj pozitive dhe Eddie dhe Dustin që u fshihen rojtarëve. Pas solos epike të kitarës së Eddie, ai sakrifikohet heroikisht për të shpëtuar pjesën tjetër të grupit, me një skenë emocionale që e tregon ndërsa vdes në krahët e Dustin.

Pikërisht kjo skenë u cilësuar nga fansat si më e mira e të gjitha kohërave, pasi ata vlerësuan përdorimin e këngës së hitit të Metallica të vitit 1986 në serialin fantastiko-shkencor.