Deputeti Dashnor Sula deklaroi në studion e emisionit “Të Paekspozuarit” se nëse mazhoranca nuk ndërhyn tek deformimi i votës në këto zgjedhje opozita do të dalë shumë mirë.
Duke vijuar më tej me shpjegimin e tij, Sula tha se nëse nuk ndodh ky veprim opozita merr Durrësin, Elbasanin dhe Shkodrën.
E kam thënë gjithmonë që njeriu që do t’i marrë të gjitha për vete bën gabimin më të madh, jemi në moment të vështirë. Vij nga 3 takime në fshatra. Më tha një fshatar: Kjo qeveri na ka sjellë punën në atë pikë, na ka vënë lakun dhe duhet të shembë stolin nëse nuk e kuptoni, mos e kuptofshi.
Puna ka arritur keq dhe njerëzit janë të motivuar të bëjnë ndryshimin, pavarësisht problemeve të opozitës, kjo më ka entuziazmuar.
5-10% bëhet diferenca, aq probleme kanë qytetarët sa nuk ia keni idenë. Është për të ardhur keq gjendja.
Problemi është që një 5-10% deformohet, blerja e votës, administrata. Mazhoranca deri tani nuk ka bërë asnjë lëvizje, nëse vazhdon kështu opozita do dalë mirë. Nëse nuk do të ketë ndërhyrje, Durrësi dhe Elbasani janë të marra. Në qarkun e Elbasanit, Boçi dhe dy kandidatët e tjerë janë mirë. Në çdo takim që realizojnë, ka një pjesë e mirë që nuk shfaqet, trysnia ndihet në çdo moment.
Gjatë këtyre 45 ditëve kam menduar të mos flasim shumë, kam menduar të jemi bashkë me 14 maj. E keni parë që qëndrimi im ka qenë i prerë, nuk duhet të kishim dy kandidatë, kanë ngelur 5-6. Vreto u ndërgjegjësua dhe u tërhoq.
Të gjithë po bëjmë fushatën për kandidatët e Primareve. PS ka mjete, ne vijmë nga zero. Shikoj angazhim në terren. Kolegët e mi të dalin në fushatë. Kandidatët nuk janë kundërshtarë. 97% e grupit parlamentar ka qenë që të dilnim me kandidatë të unifikuar dhe me kandidatët e primareve.
Berisha ka përgjegjësi për unifikimin e PD-së. Të dy palët kanë gabimet e veta.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
