Një natë aspak të qetë ka kaluar Athina, pas demonstartës paqësore në kryeqytetin helen. 19 persona u vunë në prangat e policisë greke, ndërsa të tjerë u shoqëruan për verifikime. Dhuna që përfshiu mbrëmjen e shkuar Athinën, nisi pas zhvillimit të një demonstrate paqësore, për 45-vjetorin e kryengritjes studentore të Politeknikut kundër diktaturës greke të Juntas. Në demonstratë, protestuesit nisën të qëllonin me gurë, porse nuk kanë munguar as bombat molotov apo përdorimi i armëve të ftohta, shkruajnë mediat greke. Ndërkohë që protestuesit i kanë vënë flakën edhe flamurit të tyre. Përplasja mes autoriteteve në Athinë dhe protestuesve ka zgjatur për 6 orë dhe ka nisur fillimisht në qendër të Athinës në Eksarhia, duke u pasuar më pas në qytetet të tjera të vendit, si në Selanik, Iraklio, Kretë por edhe të tjera qytete të Greqisë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
