Pedro Sanchez fitoi mbështetjen e parlamentit të Spanjës për një mandat tjetër si kryeministër të enjten. Kjo vjen pavarësisht përçarjeve në vend lidhur me vendimin e tij për t’u dhënë amnisti separatistëve katalanas në këmbim të mbështetjes së tyre vendimtare në një votëbesim.
Ai mori 179 vota pro dhe u mbështet nga 8 parti në parlament. “Jo” kryeministrit të ri i thanë 171 deputetë të Partisë Popullore konservatore, të ekstremit të djathtë Vox dhe një deputet nga partia e Navarrës.
Kryetarja e Kuvendit i shpalli rezultatin mbretit Felipe dhe sipas të gjitha gjasave betimi i qeverisë së re të koalicionit të qendrës së majtë do të bëhet të premten ose të shtunën.
Fundjavën e kaluar dhjetëra mijëra spanjollë morën pjesë në protesta anembanë Spanjës dhe Feijóo ka akuzuar kryeministrin se ndjek interesat e tij dhe jo të vendit të tij.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
