Mbetjet e ushqimit janë një tragjedi globale në një kohë kur miliona njerëz janë të uritur.
Familjet hodhën ekuivalentin e një miliard vakteve ushqime çdo ditë në mbarë botën në vitin 2022, sipas vlerësimeve të OKB-së, të cilat denoncuan tragjedinë globale të mbetjeve ushqimore.
Këto llogaritje për ushqimin që mund të hahet, por që hidhet, janë në fundin e poshtëm të peshores. Shuma aktuale mund të jetë shumë më e lartë, sipas raportit të Indeksit të Mbetjeve Ushqimore të Programit të Kombeve të Bashkuara për Mjedisin (UNEP).
“Hedhja e ushqimit është një tragjedi globale. Miliona njerëz do të mbeten të uritur në mbarë botën sot, ndërsa ushqimi hidhet,” tha Inger Andersen, drejtoresha ekzekutive e UNEP.
“Është thjesht e egër”, tha për Agence France-Presse (AFP) Richard Swanel i OJQ-së WRAP, i cili ishte i përfshirë në përpilimin e raportit.
Ne mund të ushqejmë të gjithë njerëzit që vuajnë nga uria në botë, pasi ka rreth 730 milionë të tillë, me një vakt në ditë, vetëm me ushqimin që shpërdorohet.
Familjet përbënin 60% të kësaj humbjeje, ose 631 milionë tonë në botë në vitin 2022.
Shërbimet e kateringut dhe restorantet, kontribuuan 28% dhe supermarketet, kasapët dhe dyqanet ushqimore të gjitha së bashku 12%.
Ekuivalente me mbi 1 trilion dollarë në vit të humbur në mënyrë të panevojshme, sipas vlerësimeve.
Raporti, i dyti i publikuar nga OKB mbi këtë temë, paraqet pasqyrën më gjithëpërfshirëse të situatës deri më sot. Shtrirja e problemit është bërë më e qartë me mbledhjen e përmirësuar të të dhënave.
“Sa më shumë të shqyrtojmë mbetjet ushqimore, aq më shumë gjejmë”, shprehet argumenton Clementine O’Connor e UNEP.
Pse po harxhojmë kaq shumë ushqim?
Sipas Richard Swanel, pjesa më e madhe e humbjeve të vërejtura në shtëpi lidhet me njerëzit që blejnë më shumë sesa kanë nevojë realisht, duke vlerësuar gabimet e madhësive të porcioneve dhe duke mos ngrënë pjesën tjetër, sipas Richard Swanel.
Kështu, konsumatorët po hedhin produkte që fare mirë mund të hahen por që kanë kaluar afati i skadencës.
Shumë ushqim humbet për arsye të tjera përveç neglizhencës së thjeshtë, veçanërisht në vendet në zhvillim, për shembull për shkak të problemeve të ftohjes.
Megjithatë, në kundërshtim me perceptimin popullor, mbetjet ushqimore nuk janë vetëm një problem i vendeve të pasura dhe mund të vërehen në të gjithë botën.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
