Rritjet e ndotjes së ajrit rrisin rrezikun e aritmive kardiake, ka zbuluar një studim i fundit.
Studimi i bazuar në gati 200 mijë shtrime në spitalet e Kinës, zbuloi një rritje të konsiderueshme të rrezikut të aritmive pas një rritje të niveleve të ndotjes së ajrit.
Aritmitë e zemrës mund të rrisin rrezikun e sëmundjeve të zemrës dhe vdekjes së papritur kardiake.
“Ne zbuluam se ekspozimi akut ndaj ndotjes së ajrit të ambientit shoqërohej me rrezik të shtuar të aritmisë simptomatike”, tha Dr Renjie Chen nga Universiteti Fudan në Shangai.
Ai shtoi se rreziqet ndodhën gjatë orëve të para pas ekspozimit dhe mund të vazhdojnë për 24 orë, raporton Guardian.
Një studim i vitit të kaluar raportoi një lidhje midis ndotjes së ajrit me grimca të imta dhe aritmive kardiake te adoleshentët të shëndetshëm dhe konfirmoi se kjo përkthehet në një rrezik domethënës për shëndetin.
Studimi përfshiu 190.115 pacientë të shtruar në spital në 322 qytete kineze, të cilët vuanin nga aritmia me fillim të papritur, duke përfshirë fibrilacion atrial, flutter atrial, rrahje të parakohshme dhe takikardi supraventrikulare.
Ndotja e ajrit në Kinë është shumë më lartë se udhëzimet e Organizatës Botërore të Shëndetësisë për cilësinë e ajrit dhe studiuesit analizuan përqendrimet e gjashtë ndotësve të ajrit nga stacionet e monitorimit më afër spitaleve raportuese.
Mes tyre, dioksidi i azotit kishte lidhjen më të fortë me të katër llojet e aritmive.
Ndikimi i saktë i ndotjes së ajrit nuk është i qartë, por ka disa dëshmi se shkakton stres oksidativ dhe inflamacion, të cilat mund të ndikojnë në aktivitetin elektrik të zemrës.
“Megjithëse mekanizmat e saktë nuk janë kuptuar ende plotësisht, lidhja midis ndotjes së ajrit dhe fillimit akut të aritmisë që kemi vëzhguar është biologjikisht e besueshme,” shkruajnë autorët.
Një studim i mëparshëm zbuloi se në ditët me ndotje të lartë në Angli, qindra njerëz dërgohen me urgjencë në spital për kujdes urgjent pasi pësuan arreste kardiake, goditje në tru dhe sulme astme. Në vitin 2020, Fondacioni Britanik i Zemrës vlerësoi se më shumë se 160.000 njerëz mund të vdesin në dekadën e ardhshme nga goditjet në tru dhe sulmet në zemër të lidhura me ndotjen e ajrit. Dhe ndikimet shëndetësore shtrihen përtej sëmundjeve të zemrës, ku studimet që tregojnë se ndotja e ajrit me grimca po rrit shkallën e kancerit të mushkërive, duke zgjuar mutacione të fjetura që shkaktojnë rritjen e tumoreve.
Autorët thanë se gjetjet, të publikuara në Canadian Medical Associatiown Journal, theksojnë nevojën për të mbrojtur njerëzit në rrezik gjatë ndotjes së madhe të ajrit dhe për të reduktuar ekspozimin ndaj tij.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
