Analisti Preç Zogaj, në një analizë të zhvilluar në emisionin “Të Paekspozuarit” në MCN TV, kritikoi fushatën e Partisë Demokratike dhe Aleancës për Shqipërinë Madhështore, duke e cilësuar si një fushatë të paqartë dhe pa projekt të mirëfilltë për rrotacionin e pushtetit.
Sipas Zogajt, partia përshtati në mënyrë të dukshme elementë të asaj që ai e cilësoi si “trampizëm”, duke iu referuar stilit politik të ish-presidentit amerikan Donald Trump.
Ishte fushatë pa projekt të elaboruar për rrotacionin e pushtetit. Hynë në subkoshiencën e tyre për të qëndruar në opozitë.
Mbyllën listat në kreun e tyre dhe shkelën një premtim 4-vjeçar që do të bëjmë diferencën me lista të hapura.
Dyfishuan në mbylljen e listave edhe të primaret e tyre. Si të mos mjaftonte krijimi i dy grupimeve, patricëve dhe plebenjve të listave, futën në listën e mbyllur njerëz që nuk kishin hyrë në primare. Nuk kishte projekt edhe për koalicon të madh.
Përshtatën në Shqipëri trampizmin. PD, përshtati trampizmin në shumë elementë.
Në fushatë Berisha ka bërë përpjekje për ta kompensuar krizën që ka shkaktuar vetë. Kundërshtari është në punë të vet ti dalë zot të çosh demokratët në pushtet.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
