<p>Mbretërimi i "Barbie" ka mbaruar. Pas 4 javësh në krye, “Barbie” nuk është më filmi i preferuar.</p> <p>Pasi siguroi 1.2 miliardë dollarë arkëtime në kinematë e mbarë botës, tashmë kampioni i ri është një tjetër film me super heronj, “Blue Beetle”.</p> <p>“Blue Beetle” është kampioni i ri. Historia me super heronj u shfaq premierë fundjavën që lamë pas dhe siguroi 25.4 milionë dollar në 2 ditë, duke zhvendosur përfundimisht Barbin nga kryesimi.</p> <p>"Oppenheimer", i cili u publikua gjithashtu në të njëjtën fundjavë me "Barbie", ra në vendin e tretë dhe fitoi 10.6 milionë dollarë, duke e çuar totalin e tij në SHBA në 285 milionë dollarë.</p> <p>Deri më tani, "Barbie" ka fituar 567 milionë dollarë në arkat e SHBA. Filmi përfundon vendin e tij në krye duke thyer disa rekorde.</p> <p>Discovery njoftoi javën e kaluar se "Barbie" kishte kaluar gjithashtu kufirin e 1.2 miliardë dollarëve në nivel global, pasi arriti vlerën prej 1 miliard dollarësh më pak se tre javë më parë, një arritje e arritur vetëm nga rreth 50 filma në histori.</p> <p>Ai gjithashtu e vendosi Gerwig-un si regjisoren femër me fitimet më të larta në histori. Të dy "Blue Beetle" dhe "Barbie" shpërndahen nga kompania mëmë e CNN, Warner Bros Discovery.</p>
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
