Psikologët dhe studiuesit e politikës në universitetin e Kentit, Varshavës dhe Marilendit thonë se kanë një shpjegim të arsyetuar për votën pro kandidatit Donald Trump në zgjedhjet presidenciale në SHBA dhe zgjedhjen e britanikëve për të dalë nga BE-ja.
Ata thonë se votuesit kanë më shumë gjasa të zgjedhin ideologjitë populiste kur ndihen të disavantazhuar.
Studimi i kryer prej tyre arriti në përfundimin se lëvizjet populiste forcohen nga ajo që njihet si narcizizmi kolektiv kombëtar, ose ndryshe besimi te madhështia e kombit, pavarësisht gabimeve.
Ata që janë ndier të paavantazhuar në shoqëri për një periudhë të gjatë kohe rezultoi se kishin më shumë gjasa të përjetonin ndjesinë e nacizizmit kolektiv, thuhet në studimin e publikuar në revistën “Populizmi si identitet politik”.
Studiuesit thonë se liderët populistë si Donald Trump mund të krijojnë perspektiva kombëtare “mbrojtëse dhe shkatërruese”, duke përdorur narrativën e disavantazhit.
Dr. Aleksandra Cichocka, nga universiteti i Kentit, thotë se rezultatet mund të shpjegojnë pjesërisht pse populizmi lidhet shpesh me sjelljet paragjykuese. Studimi është kryer në SHBA, Britani dhe Poloni.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
