Sherr mes të rinjve në Korçë, 27-vjeçari përfundon në spital

Një person ka mbetur i plagosur pas një sherri që ka përfshirë 3 persona të tjerë.

Ngjarja, sipas policisë, ka ndodhur në fshatin Podgorie të Maliqit, ndërsa një person ka mbetur i plagosur dhe ka përfunduar në spital.

I lënduari, një 27-vjeçar me iniciale E.B, dyshohet se është konfliktuar për motive të dobëta me një bashkëmoshatar me iniciale M.B, si edhe dy kushërinjtë e tij.

Për pasojë 27-vjeçari ka marrë plagë në kokë e trup dhe aktualisht ndodhet nën kujdesin intensiv të mjekëve.

Policia mbëriti menjëherë në vendin e ngjarjes dhe po punon për sqarimin e rrethanave të këtij konflikti.