Në kujtim të jetës dhe veprës së piktorit Sali Shijaku i cili dje u nda nga jeta, sot po mbahen homazhet për të.
Homazhet në nder të artistit të njohur janë organizuar nga Bashkia e Tiranës dhe po zhvillohen në hollin e Teatrit të Operës dhe të Baletit nga ora 10:00-12:00.
Miqtë dhe dashamirë të shumtë po i japin lamtumirën e fundit artistit Shijaku, i cili ishte nderuar me titullin "Piktor i Popullit" dhe "Artist i Merituar".
Ai ishte piktor kolorist dhe krijues i kompozimeve njëfigurëshe.
Ai lindi në Tiranë në një familje tregtarësh të vegjël.
Tabloja e njohur si "Heronjtë e Vigut" është edhe diploma e tij si student.
Shijaku ishte pjesë e artistëve shqiptarë, që trajtuan tablonë kompozicionale, kryesisht me temë nga lufta, nga historia, nga legjendat, por edhe nga aktualiteti i kohës.
Shteti shqiptar e ka vlerësuar dhe nderuar kontributin e artistit me mjaft çmime dhe i ka akorduar disa Çmime Republike (1956, 1970, 1984, 1989).
Në vitin 1969 ai mori titullin “Artist i Merituar” dhe në vitin 1979 “Piktor i Popullit”. Më 2004-ën ai u nderua me titullin “Nderi i Qarkut të Tiranës”.
Në fondin e GKA-së ruhen 92 vepra të artistit në pikturë dhe skulpturë, nga të cilat 19 vizatime (penë, karbon dhe flamastër), 7 punime në qeramikë dhe 1 në allçi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
