Dashamir Shehi bëhet i pari që e thotë qartë se jo vetëm nuk do donte që të kish një aleancë PS-PD pas zgjedhjeve, por edhe se nuk ka për t’u bërë në asnjë rrethanë një aleancë të tillë. Sipas tij, kanë qenë socialistët që e kanë krijuar këtë iluzion. Pas kësaj vijoi një dialog mes Nanos e tij, që i përmbledhur do bënte si më poshtë:
Nano: Këtë ju e thoni në titull personal?
Shehi: Jo, nuk e them në titull personal; e them në emër të opozitës.
Nano: Ju jeni i pari opozitar që po shpreheni kaq qartë lidhur me këtë gjë.
Shehi: Jo, nuk është e vërtetë; të gjithë e kemi përcjellë këtë mesazh?
Nano: Askush nga opozita nuk ka qenë kaq i prerë; aq më pak zoti Basha.
Shehi: Jo, nuk është ashtu. Mesazhi ynë ka qenë i qartë. Ne kemi për detyrë ta largojmë PS-në nga zyrat e shtetit, e jo të qeverisim bashkë me të.
Nano: Po sikur të ndodhë?
Shehi: Nuk ka për të ndodhur.
Nano: Ka ca që mendojnë se nuk do ishte keq të ndodhte.
Shehi: Nuk ka asnjë të mirë nëse ndodh. Nuk ka as kuptim.
Nano: Sikur pas zgjedhjeve t’ju duhet të vendosni ose një koalicion qeverisës me PS-në, ose një koalicion qeverisës me LSI-në, cilin do preferonit?
Shehi: Nëse ne nuk do jemi në gjendje të krijojmë një shumicë, unë do të isha me idenë që të rrinim në opozitë.
Nano: Po kështu, në opozitë, mund të komprometohen pozitat e Bashës si udhëheqës i opozitës.
Shehi: Nëse opozita arrin një rezultat më të mirë se në zgjedhjet e kaluara, Basha nuk rrezikon asgjë. Ai rrezikon vetëm nëse del më keq se në zgjedhjet e fundit.
Bisedën e plotë mund ta ndiqni në linkun
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
