Tom Cruise duket se po bën realitet ëndrrën e tij për të hyrë në librat e rekordeve në Hollywood duke xhiruar filmin e parë aksion në hapësirë. Projekti i tij për të realizuar një film në hapësirë tashmë ka një regjisor. Bëhet fjalë për Doug Liman. Ky njoftim është bërë në prag të nisjes së Space X Dragon nga Cape Canaallel në Florida.
Nisja, rezultat i bashkëpunimit midis NASA dhe Elon Musk's Space X, është destinuar të hapë një epokë të re të fluturimit në hapësirë dhe i pari në bordin e një automjeti të ndërtuar për NASA-n nga një kompani private.
Lajmi për filmin është konfirmuar nga vetë NASA rreth një muaj më parë.
"Jemi të ngazëllyer për të punuar me Cruise në një film në bordin e Stacionit Hapësinor. Kemi nevojë për një gjeneratë të re inxhinierësh dhe shkencëtarësh për të përkthyer ambiciet e NASA-s në realitet" - shkroi administratori i agjencisë hapësinore amerikane, Jim Bridenstine.
Koha se kur do të nisin xhirimet është ende e paqartë, sepse Cruise është i angazhuar me përfundimin e serive shtatë dhe tetë të “Mision i pamundur”, ku për shkak të pandemisë pati vonesa.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
