Policia ka asgjëshuar 143 rrënjë bimë narkotike të llojit kanabis sativa në Vlorë. Bimët u konstatuan të mbjella në dy parcela në fshatin Poro dhe në vendin e quajtur Përroi i Kaminave. Sipas njoftimit të policisë, në njërën prej parcelave dyshohet se bimët kanë mbirë vetë.
Njoftimi i policisë
- Gjatë kontrollit të ushtruar në zonën e Novoselës, shërbimet kanë konstatuar 95 bimë narkotike të llojit Cannabis Sattiva, të mbjella në vendin e quajtur "Vërri e Poros", fshati Poro (pronë publike).
- Gjatë kontrollit të ushtruar në fshatin Mërtiraj, pranë vendit të quajtur "Përroi i Kaminave", u gjet një parcelë me 48 bimë narkotike të llojit Cannabis Sattiva, të cilat dyshohet se kanë mbirë vetë përgjatë shtratit të përroit.
Policia bëri asgjësimin e tyre me shkulje dhe djegie.
Vazhdojnë hetimet për zbulimin dhe kapjen e autorëve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
