Albanian Files/ Koja: Skemë piramidale. Caca: Nuk sjell zhvillim. Qirjo: Nuk vlerëson mirëqenien e banorëve (VIDEO)

Në studion e MCN Informacion u diskutua mbi projektet e përfshira në “Albanian Files”. Urbanistja Entela Koja tha se i gjithë projekti në total është një skemë piramidale. Arkitekti Gjergj Caca theksoi se këto projekte në të vërtetë nuk sjellin zhvillim. Ndërsa eksperti i mjedisit, Mihallaq Qirjo, tha se vitet e fundit, planifikimi urban nuk po merr parasysh mirëqenien e banorëve.  

Entela Koja, urbaniste  

 

Zvogëlimi i hapësirave të gjelbra krijon zona me temperatura më të larta. Heat island është një fenomen i dallueshëm në qendrat e qyteteve, veçanërisht në Tiranë. Sot është e pafalshme që qytetet kanë plane urbanistike në të cilat intensiteti i ndërtimit është në mënyrë strikte i përcaktuar të ndërtohet me kaq densitet. KKT jep leje në mënyrë arbitrare në shkelje të densitetit të popullsisë. Ne sot shohim kantiere kudo. Shohim shfrytëzim të pronës 100%. Kjo prek zonën në të cilën futet ndërtimi. Çuditërisht pas protestës vihet re një intensifikim I punës së kantiereve të nisura. 

 

Gjergji Caca, arkitekt

Nuk merren me qytetet që janë katandisur si mos më keq. 

Ky nuk është zhvillim. Nuk kemi asgjë me ndërtuesit. E kemi me planifikimin. Nuk ka asnjë faj ai. Fajin e ka ai që I drejton ku ta ndërtojnë projektin.  

 

 

Mihallaq Qirjo, ekspert mjedisi 

Diskutimi mbi planifikimin urban është i rëndësishëm sepse lidhet me mirëqenien e banorëve. Rritja e dendësisë nuk është parë në aspektin e parametrave mjedisorë. Planifikimi urban nuk ka vlerësuar parametrat e rinj të klimës. Vitet e fundit kanë qenë vite të nxehta. Këto i shtohen atij ishullit të nxehtë që thamë në fillim. Ne shohim qytete me 40 gradë, ndoshta dhe më shumë. Praktikisht ne kemi humbur elementë si fluksi i erës në qytet, nuk kemi më tunelet urbane apo kanionet urbane kjo ka sjellë vortekse të ndotjes. Tendenca për të përdorur sa më shumë xhamin e kanë shmangur arkitekturën miqësore me mjedisin.